कल्याणकारी उपक्रम

धुळे जिल्ह्यातील पोलीस अधिकारी, पोलीस अंमलदार तसेच निवृत्त झालेले पोलीस अंमलदार तसेच त्यांचे कुटुंबीय यांचेकरीता दिनांक 03 जानेवारी 2025 रोजी आद्यशिक्षिका सावित्रीबाई फुले अभ्यासिका उभारण्यात आली आहे. तसेच सदर अभ्यासिकेचा वापर धुळे जिल्ह्यातील नागरीक सुद्धा करु शकतात.

पोलीस कल्याण निधी अंतर्गत धुळे जिल्हा पोलीस दलातर्फे सौजन्य पेट्रोल पंप सन 2014 मध्ये उभारण्यात आला आहे. सदर पेट्रोल पंप सर्व नागरीकांकरीता खुला आहे.

धुळे जिल्ह्यातील पोलीस अधिकारी, पोलीस अंमलदार तसेच निवृत्त झालेले पोलीस अंमलदार तसेच त्यांचे कुटुंबीय यांचेकरीता सन 1990 मध्ये पोलीस व्यायाम शाळा उभारण्यात आली आहे. पोलीस अधिकारी व अंमलदार यांचे स्वास्थ्य अबाधित राहावे याकरीता सदर पोलीस व्यायाम शाळेचा वापर करण्यात येतो.

केंद्रशासनातर्फे पॅरामिलीटरी फोर्सप्रमाणे ना नफा ना तोटा धर्तीवर पोलीस अधिकारी, पोलीस अंमलदार तसेच निवृत्त झालेले पोलीस अंमलदार यांचेकरीता सन 2020 मध्ये पोलीस कॅन्टीन उभारण्यात आली. त्यात ग्रोसरी, ईलेक्ट्रॉनिक्स वस्तु, दैनंदिन वापरातील वस्तु व इतर गोष्टींचा समावेश करण्यात आला आहे. तसेच सदरची पोलीस कॅन्टीन हि पोलीस मुख्यालय, धुळे येथे आहे.

धुळे जिल्ह्यातील पोलीस अधिकारी, पोलीस अंमलदार तसेच निवृत्त झालेले पोलीस अंमलदार तसेच त्यांचे कुटुंबीय यांचेकरीता सन 2003 मध्ये पोलीस वाचनालय उभारण्यात आले आहे. सदर वाचनालयात विविध प्रकारचे पुस्तके व दैनंदिन वर्तमानपत्र ठेवण्यात आले आहे.